*KITANG MARANGAL* ni Augusto Monsayac

Awit ng PAGPUPUGAY sa mga NAGSISIKAP KUMITA NANG MARANGAL sa kabila ng KAHIRAPAN.

*KITANG MARANGAL*
ni Augusto Monsayac

Sa ngalan ng kita
Kitang marangal...

'Di alintana ang pagod at hirap
Puso ay puno ng pagsisikap
Na maipakita ang halaga
Ng buhay na kumikita
Sa mabuting paraan
Lalo't para sa mga mahal sa buhay
Na mahalagang inspirasyong tunay
Para kumita
Ng kitang marangal.

Para kumita
Ng kitang marangal...

Ginagamit ang lakas at kakayahan
Sa pagtatrabaho nang may katapatan
At nang may pag-asang
Makakamtan ang bunga ng kasipagang
Lalasapin nang buong sarap
At nang may maligayang pasasalamat
Sa Dakilang Panginoong Maykapal
Dahil kumita
Ng kitang marangal.

Dahil kumita
Ng kitang marangal...

Taglay sa puso ang mga ngiti
Ng isang may dignidad sa sariling
Sinasabuhay ang kahalagahang tunay
Ng pinaghirapang kita
Kitang marangal...
Kitang marangal...
Kitang marangal.