Tayo man ay magkalayo
Sa Araw ng mga Puso
Magkapiling pa rin tayo
Sa diwa at espiritu.
Sa pamamagitan nitong tula
Ibig ko sa iyong maipabatid na
Sa akin, ika'y napakahalaga,
Natatangi at walang kapara.
Sa pamamagitan ng simoy ng hangin
Buong lambing ko sa'yo ipinararating
Mga yakap kong kayhigpit
Mga halik kong kaytamis.
Sa pamamagitan ng mga dasal
Para sa'yong kaligayahan
Sa'yo'y aking ipinaparamdam
Ang wagas kong pagmamahal.
No comments:
Post a Comment